في قديم الزمان كان فيه قيبلتين متفاهمين على الخير والشر وكل شي طيب القبيله الاولى فيه رجل شجاع يسمى عقيد القوم مغوار ماتضيع حقته على ماقالو
والقبليه الثانيه فيها بنت سبحان الله آيه في الجمال تزوجو وتم لهم اسبوع من الزواج وصار خلاف بين القبيلتين وتفارقو واخوان البنت قالو عناد للرجال ماراح نخلي بنتا عندك
المهم شدو قبيلة البنت لديرة بعيده وقبيلة الرجال جلسو في محلهم
المهم طال البعد بين الحبيبين وزاد شوق الرجال لزوجتة وماعرف يوصلها عشان سلوم الاولين كانت صعبه
كان فيه عجوز باخر عمرها في قبيلة الزوج جاها وقالها ابيك تروحي لقبيلة الزوجه وتدخلين عليها وتوصليلها الرساله ذي بمعناها اني بجي فالليل ورى الجبل وبعوي مثل الذيب ثلاث عويات ولامنها سمعت العويات تطلع للجبل ونتقابل
راح الرجال وتقابل مع زوجتة عدة مراة المهم صار حمل في الموضوع وبانت بطن البنت وتغير جسمها ولاحظ اخوها وجاها وقال وش القصه ماعلمته وحط البندق عند راسها وعلمته قالت يا خوي انا ورجلي على شرف يعني ماهو حرام رد اخوها وقال انا بعرف القصة وان كانت كذب الموت اقربلك مني
راح اخوها لقبلة الزوج وهو لابس هدوم مقطعه ودخل على الى جالسين فالمجلس وجلس
تعشو الرياجيل ويوم اخلصو قال انا عندي قصيده ابي الربابه
خذا الربابه وقال
ياذيب يلي تالي الليل عويت ()() ثلاث عويات على ساق وصلاب
ابنشدك ياذيب عقبهم ويش سويت ()() يوم الثريا راوسة والقمر غاب
______
عرف زوج المره ان الي جالس اخوها وفطنله على طول وخذا الربابه وقال الابيات التاليه رد عليه
وقال
انشهد اني عقب جوعي تعشيت ()() واخذت شاة الذيب من بين الاطناب
على الشرف ولا الردى ماتهقويت ()() ردو حلالي ياعريبين الانساب

عرف اخ المره ان اخته صادقه وقام وعود لقبيلتة ويوم جا ثاني ورجع المره لرجلها ورجعو القبيلتين لبعض



القصه ذي فيها حكم كثيره واهمها الذكاء والفطنه الي كانت في جدودنا الاولين
ارجو كتابة اي شي استفدتوه من هاذي القصه
ولكم تحياتي

اخوكم
شعبان العجمي
رئيس بريد مركز حنيذ