السلام عليكم
الجزء الثاني
اللي ما قرأ الجزء الأول تره مهوب فاهم شي ابدا
اضغطو على الرابط هذا للجزء الاول
http://www.arapost.com/vb/showthread.php?t=10249
ايه قد رجعت لكم
ركبت الطياره بعد ما حطيت الشنطه في الشحن
يعني مامعي الحين الا شنطة اللاب توب
<<<<<< بيعلمكم ان معه لاب توب
يوم ركبنا الطياره نسمع:
الكابتن ابو معلاق يحيكم ويتمنا لكم سفر(ن) هنيئاً
<<<<<< اخس يالقافيه
ونحب ان نعلن لكم انا ابو التونه موجود معنا شخصيا في الطيارة
<<<<<<
واللي يصفقون لي واللي يحشون فيني
المهم
وأقوم وروح للطيار
انا: السلام عليكم
الطيار: وعليكم السلام
انا: بالله وش دراك عن قصة أبو التونة
الطيار: جتني على البلوتوث
انا: افااااااااااااااااااا
وارجع لمكاني اجرجر اذيال الهزيمه <<<<<<<<<< رهيبه صح
اقلعت الطياره ويوم انطفت اشارة ربط الاحزمه اشوف العالم يتقامزون للكراسي اللي في النص
طبعا الطياره كانت فاضيه انا ووجهي مدري وش اللي صاير
المهم كل واحد اخذ له اربع كراسي وحجزهن
انا اقول في نفسي: والله المهبل
المهم جت المضيفه توزع سماعات علشان الشاشات اللي قدامنا
ووزعو العصاير <<<<<<<<< اهم شي
المهم اشبك السماعات واقعد ادور في ها القنوات
والعالم كلهم نايمين
وانا ادور بين القنوات الا واسمع الطيار ومساعد الطيار
هذا اللي سمعته
الطيار: وكيف الشباب في الاستراحة
مساعد الطيار: والله تمام كلهم يسألون عنك. وراك ما صرت تجي؟
الطيار: ياخي كله من الدلخ منصور عقب ما كسرته المره الماضية صار يترك الكوره وينصى رجلي
مساعد الطيار: لا ما عليك خوف الحين امس كسره وليد وصار يلاحقه الحين
الطيار: زيين ووش اخبار المرجوج لؤي؟ حتى الحين ينهبل اذا جت نانسي ويقوم يرقص
مساعد الطيار: ايه على حطت يدك. بس كنه بدا يرقص على اغاني هيفا
الطيار: بعااااااااد
بدت لمبه تشر في الكبينه
مساعد الطيار: وجع وش ذا
الطيار: والله مدري
مساعد الطيار: ما تعرف تسكته
الطيار: لا والله
مساعد الطيار: خل ندق على البرج في السعودية
تررررن ترررن <<<<<<<<<<<< قروي
الو معك رحلة الخطوط السعوديه رقم 3759 تقسيم اربعه اوس 2 ناقص 3
البرج: خخخخخخخخخخخخخخخخ اششششششششششششششششش <<<<<< نايم
الطيار: الووووووووووووو
البرج: خخخخخخخخخ اششششششششششش ازززززززززز
الطيار: وش ذي الورطه. وينا فيه الحين
مساعد الطيار: فوق مصر
الطيار: خل ندق عل البرج المصري
تررررن ترررن
البرج : ايوه يا باشا انتا مينين؟
الطيار: هلا حنا رحلة الخطوط السعوديه رقم ......
البرج: يهلا بالسعوديين ويامرحبا. ايه عاوزين حاقه اطلبو مايردكوش الا لسانكو
الطيار: والله هذي شيم اهل مصر حبيبين وطيبين نبغى مساعده
البرج: اااه اي حاقه اتفظلو بس ما تنسوناش بالحلوان
الطيار: عما يعميك يالدب كلش عندكم بفلوس
طوووط طووط
مساعد الطيار: وراك ياخي
الطيار: ما سمعت وش قال يبي فلوس
مساعد الطيار: طيب قل اية انت بس وتمشي عليه
الطيار: خلاص ياخي خلها على ربك
مساعد الطيار : وش رايك ندق على برج لندن
الطيار: والله فكره
طرررررن طرررررن
البرج : يس
الطيار: هلا
البرج وت؟؟
الطيار: وجع شكله يتكلم عنقلينزي <<<<<< لا يا شيخ
مساعد الطيار مسوي فاهم: هات خل اتفاهم معه
البرج : يس
مساعد الطيار: الووووووووو
البرج: يس هاوكان آآآي هيلب يو؟
مساعد الطيار: ذيري از لمبه از فليشر <<<<<< عز الله فهم
البرج: وتت
مساعد الطيار: لمبه هير از تيك توك تيك توك <<<<<<< لا فهم الحين
البرج: يو ار ستيوبت
مساعد الطيار يقول للطيار : تراهم يقولون ما نعرف
الطيار: سكر التلفون بس لا تحسب الفاتوره . <<<<<<<< متعقد
شوي واسمع وحده من المظيفات عندهم في الكبينه
المظيفه: تبون شي
الطيار: ابي ماء نشف ريقي
المظيفه: ليش؟
الطيار: ها اللمبه تشر وماندري وش نسوي بها
المظيفه: لحظه
طرررررررررررررررطخخخخخخخخخخخخخخخخخخخخ<<<<< رمت الصينيه على الكبينه
الطيار : وجع وش سويتي
مساعد الطيار: لحظه لحظه والله ظبطت طفت اللمبه
المظيفه : شفتااااااااااااااا <<<<<<<< طلعت المضيفه قريويه
انا ارتعت يوم سمعت اللي صار
صار الشباب ما عندهم ما عند جداتهم
من الروعة قررت أنام
انا قاعد على جنب ام كرسيين
حاولت اظبط نفسي يمين يسار ماشش ما قدرت
الحين عرفت ليه العالم حجزت الكراسي اللي في النص
المهم تعفطت وانسدحت
ورجلي على الممر
كل ما مرت مظيفه تعكرفت وعلي وجهها
في الاخير حط على الممر لوحة ممنوع الدخول صيانه
بعد ست ساعات سمعت
خلوها اكملها لكم في الحلقه الجاي
نــــهاية الجزء الثاني
وش رااايكم مافيه دعاااايااات
بسبب ما فيه دعم للقصه
الجزءالثالت اكثر متعه واكثر ضحك بس جب احد معك وانت تقراء القصه الثانيه
ان شاء الله يكون القسم الثاني عجبكم
رجااااااااااااااء يا اخواني
ارجو منكم طلب النسخه الاصليه
ترى الحقوق القصه محفوظه منذو مبطي
سلمت يدي من كتبها
فمان الله
رد مع اقتباس