السلام عليكم ورحمة الله وبركاته

بدخل لكم بالموضوع بدون مقدمة

تخيلو انتم جالسين في مجلس ومعاكم واحد كل ما قلتو سالفة قال ايه عارفها ....... قالو لي ؟؟!!!

المهم تخيلو لما يكون الخبر من خيال واحد منكم ويرد ويقول ايه اعرفه قالو لي

طيب تخيلو لو الكلام هذا ما حصل في مجلس وحصل في مؤسسة حكومية ويكون صاحب ها

الشخصية هو قائدهم (( مديرهم ))

طيب تخيلو مديرهم (( الي قالو له عن كل شي )) ما يعرف ولا شي بعالم التقنية وهو مدير

لمحافظة مهمة تقريباً هي الي بعد الرياض بالمنطقة الوسطى ...

طيب تخيلو نفس المدير الي (( قالو له عن كل شي )) يطرد مدير دائره حكومية بسبب انه سئل

ليه يتقفل صندوق الدائرة مع العلم انة موجود عندنا في برنامج علاقة العملاء انه صندوق فعال

موجل الدفع ..... (( هذا الواجه للمؤسسه ))

طيب نرجع للخيال شوي ونرجع للي (( قالو له عن كل شي ))

تخيل نفسك موظف في ها المؤسسة وتطلب تحويل طبي ويرفض ها المدير لسبب ان العمل

الموجود ما انتهاء او بحد تعبيره ما أعطيك تحويل وشغلي ما انتهاء طبعا شغلي يقصد فيه عمل

البريد أو بمعنى اصح صار ها المدير يعد العمل شغل خاص فيه وحده والموظفين ولا شي يعني لك

ظروف ولا اي شي اجله لين ينتهي شغله على حد تعبيره

كل الي راح يهون عند الي بكتبه الحين

تخيلو مدير كل وقت جلوسه طوال وقته في مكتبة هو والمساعد له طبعاً جلوسهم لمصلحة العمل

طوال الوقت خلف الزجاج فلان طلع فلان دخل فلان سيارته اليوم وينها ؟؟؟!!!! لا يكون بس احد

وقع عنه والله يا مؤسسة البريد انكم ما ريحتوهم تبون الزين حطين المبنى وجهته زجاجية

ما ريحتوهم ...... وخليتموها مثل باقي الإدارة

عاد الحين بنجي أخر وحده اعرف قوية شوي بس بكتبها لكم

تخيلو مدير ثقافته اليومية بالمعيز والتيوس السورية

ولو سائلته عن اي برنامج في البريد ما يعرف عنه اي شي حتى اسمه اتحدا يعرف ينطقه صح

وأكثر من كذا تعال شف ها المدير وهو ينتقد مدير إدارة الحاسب الآلي وانه جاهل ولا يعرف شي

تخيلوها عاد مدير إدارة الحاسب ما يعرف شي صحيح ممكن ما يعرف بثقافتك الفذة وميولك


.................................................. ...

بعد كل ما كتب عن هذا المدير اريد ان اخبركم بانه ليس له ذنب ....

من فارز الى مدير (( السبب مكالمة هاتف فقط ))

رسالة للاستاذ مدير عام بريد منطقة الرياض (( ابو سعد ))

متى سيتم تدخلكم لحل المشاكل الموجودة في بريد المحافظة

ورسالة الى كل موظفي بريد في المحافظة

من منكم شاهد احد المسئولين يتابع العمل في بريد المحافظة

اخر زيارة تمت من مدير منطقة لتفقد العمل في بريد المحافظة كانت في وقت

الاستاذ / عبدالرحمن الجساس