اسبوع كامل وانا في سكرت الموت
لاني بميت وحر المـوت حسيتـه
لافاتك الفوت ماعاد ينفع الصـوت
هذا مثل قيل من قبلـي وعانيتـه
ارزاق ومقسمه وحظوظ وبخـوت
ونصيبي اللي كتب للنـاس خليتـه
الناس ماتجهلك لو كانت اسكـوت
تدري عن اللي بعيد هناك سويتـه
لو كان سرك معك في داخل الكوت
تقول هذا يشيـل السـر بكويتـه
ماهمنا لا انتقدنا شخص هلفـوت
ماله مع الناس فعل وهافي صيتـه
المفلس الضايع اللي مامعه قـوت
الفاضي اللي دمار الناس توقيتـه
هذاك ودك تشوته بالقـدم شـوت
ياما كرهته ولا فـي يـوم حبيتـه
المشكلـه لاتحـرر كـل مكبـوت
الخاين اللي يخونك كـل ماجيتـه
اكبر خطر من عدو كـان مفلـوت
لاتامنه لو معه بالـدرب خاويتـه
حنا بشر غير نشبه عالم الحـوت
العالـم اللـي تغـذا حيـه بميتـه
ابليس معنا ملكنـا وشيـد بيـوت
وحنا رضينا وبنـا بقلوبنـا بيتـه
هذا الكلام الصحيح احزان ونهوت
الواقع المر مهما عنكـم اخفيتـه
ماعاد لك مخرج ومنيـن بتفـوت
غصب عليك الرضا مهما تحديتـه
الحاكـم اللـي يمشينـا بريمـوت
من ضعف الايمان سايرته وجاريته
اشكاله نشوفها والاسـم منحـوت
لوكان لايمان وافي كـان صديتـه
بالعين شفته وانا لاقلـت مثبـوت
انا اشهد انه معي بالرجل ماشيتـه
ترا حياتك يجي من بعدهـا مـوت
والعمر يمشي ولو بتحس حسيتـه



الشاعر مبارك المنبهي الشهراني