الشـــــــــــــــــوزن .. والتسكين ... :)

[فهد نايف الحربي]

اخواني الاعزاء
اخواتي الفاضلات ..
ايها الشعب الكريم ..
ماخليتوا شي ماقلتوه عن هالتسكين جعله الله من الرزق الطيب .. وكثرة الرواة ولم يبق احد الا وهو
صديق لاحد الهوامير او لاحد نواب الوزير او للسيد الموقر "ثقــــــــــــــــــة " وثقة هذا عندنا يااهل البريد عريب الجد طير شلوى ..
نوب يصير مدير عام ونوب يصير موظف واصل .. ونوب يصير رجال واصل .. واحيانا له علاقة بالادارة وله
ستين شكل ...
صح انه نوب يفوت بس ماعليه الاصايل ماتلحق الا تالي

عموما انا شاري لي شوزن .. ام حبه .. وان ماجانا شي بشهر واحد .. ابطلع من بريدة الفجر ولااوقف الا بالرياض .. وبادور هالثقة المذكور ... هاللي هبل بنا .. وابقعد له عند اللفت ابو بلاط .. ولا جاء الصبح يتهمز ..واثق الخطوة .. ويفكر بشائعه جديدة ..قبعته والرزق على الله واسترح يامن قعوده على عشته ..
صح انهم بيلكبشوني وابروح فيها .. ولكن ابفككم يااهل البريد من هالشحططه ....
وخلكم تقولون ابولجين م 41 .. ريحنا من العلوم اللي تجي وتروح ...
ثم عاد يجي الموظفين من بعدنا بكم سنة يأرخون يقول الواحد منهم انا متعين سنه الشوزن ..
والثاني يقول انا متعين سنة ذبحه الثقة ...
فانتوا تسمعوا ان شاء الله صباح 25 محرم ... ان سمعتوا صوت رمية شوزن اعرفوا ان ماهنا تسكين ولادرجات ... وكان ماسمعتوا شي .. فالامور زينة .. وترا الشوزن للبيع



وكتبه : ابولجين فهد الحربي دام ظله

[افضل اختيار]

الامور طيبه ولله الحمد وابشرك يا ابو لجين الشيخ ثقه توني فاطر انا وياه كبده في ماكدونالدز ومدري وش الي جاب طاريك فقال لي بشر ابو لجين وبلغه ان الوضع ok و الوعد 25/1 . ويقول اسأله اذا له نيه يبيع الشوزن يبيها بـ 16500 اقساط , كل قسط 250 ريال على 66 شهر .





اللهم لك الحمد كما ينبغي لجلال وجهك الكريم وعظيم سلطانك

[النجم الاحمر]

يابو لجين ... هذا بيكلفك مبالغ اكثر من قيمة الشوزن . احسبها معي .
رميه .. بالرياض هذي منك . انت بترميها
ويبي لك 12 رامي بكل منطقه تطلق رميه لكي يسمها جميع الموظفين ويتأكد الخبر .
ولا بيدعون عليك ان الله يشل اطرافك .
لان فيه بعض الناس هنا مولمه الدعاء ..
ماتعرف المزح ولا الضحك ولا تفهم المواضيع ويمكن ماتعرف تقرى زي الناس .
كفو والله يابو حرب ..
بس اذا قابلت الثقه هذا .......قابلني

تتبع الرابط ادناه .. وهو إن شاء الله الخبر اليقين ..

http://www.alwatan.com.sa/Local/News...9&CategoryID=5

[فهد نايف الحربي]

الامور طيبه ولله الحمد وابشرك يا ابو لجين الشيخ ثقه توني فاطر انا وياه كبده في ماكدونالدز ومدري وش الي جاب طاريك فقال لي بشر ابو لجين وبلغه ان الوضع ok و الوعد 25/1 . ويقول اسأله اذا له نيه يبيع الشوزن يبيها بـ 16500 اقساط , كل قسط 250 ريال على 66 شهر .





اللهم لك الحمد كما ينبغي لجلال وجهك الكريم وعظيم سلطانك

اهلا وسهلا .. بصاحبنا المقرب وهو بعيد
عموما طال عمرك .. الرماة مالهم داعي .. هذا اخطبوط طخ الراس تسكن الاطراف ..
وابشرك مع هالعلوم الزينة والتاكيدات المتوالية ... تراه سلم السيد ثقة .. هالسنة عتيق
وسليم الله يسلم ...

عاد الشوزن .. تراها للبيع .. وماتاصل هالاقيام .. والجازم نجدع له ..

وكتبه ابولجين دام ظله حول بريد بريدة ..

[فهد نايف الحربي]

يابو لجين ... هذا بيكلفك مبالغ اكثر من قيمة الشوزن . احسبها معي .
رميه .. بالرياض هذي منك . انت بترميها
ويبي لك 12 رامي بكل منطقه تطلق رميه لكي يسمها جميع الموظفين ويتأكد الخبر .
ولا بيدعون عليك ان الله يشل اطرافك .
لان فيه بعض الناس هنا مولمه الدعاء ..
ماتعرف المزح ولا الضحك ولا تفهم المواضيع ويمكن ماتعرف تقرى زي الناس .
كفو والله يابو حرب ..
بس اذا قابلت الثقه هذا .......قابلني

تتبع الرابط ادناه .. وهو إن شاء الله الخبر اليقين ..

http://www.alwatan.com.sa/Local/News...9&CategoryID=5

اخي النجم الأحمر .. حيالله ياحيالله
لقد غاب عنكم ياصاحبنا بان السيد ثقة يتواجد دائما في الرياض .. وهو حول مكاتب المدراء
وقد قيل انه لايكلم احدا الا المدراء والنواب .. وهو الوحيد الذي يخصونه باخبارهم ويخبرونه بها
وقد قال بعضهم انه يرى من خلف المكتب مابالادراج ..
الم يكن هو الذي قال قبل سنوات ان المدير الفلاني .. كتب على الشيك عبارة "مبروك للبريديين "

فان رميناه .. ثق ان الاخبار ستخفت .. ولن يبقى هناك اخبار ثقة عن ثقة ...
اشكر لك تعليقك وان كنت اتوقع ان هناك ردودا محذوفة استنادا الى مغزى كلامك
ولكن ياصاحبي بكل اسف لدينا الكثير من الاخوة هنا وفي غيره من المنتديات
ماادري كيف يقرأون ... ولكن هم من تقيم نفسك بعد النظر اليهم

دام سعدك ايها النجم الأحمر ..

وكتبه ابولجين دام ظله

[فارس صالح]

موضوعك شيق اخي فهد ومسلي أسأل الله أن يبارك لنا فيما رزقنا وأن يرزقنا خيراً منه ولك تحياتي .

[ابوريناد]

اشكرك على موضوعك ..
واحمدو الله واشكروه ..
بس باقي شويه ونعدي من ارامكو .....ههههههههههه
تحياتي

[الضب]

[FONT="Arial Narrow"]

السلام عليكم ورحمة الله وبركاتة

الله يبارك فيكم يارعي الشوزن ودي انها إثور والسبب إجرمت فينا وذبحتنا
العام الماضي وكليوم وأنت قدرك فايح من ظهور عيال عمي الضبان ولكن الوعد يوم 25
واذا جاء التسكين فتراك معزوم علي عشرين عكرة ضب من عيال عمي اللي والله ماستفت
منهم شي ... ودعوة عامة للجميع

[/FONT