روحو اسالوا الظروف
بتسألونا ليه
بدينا بكلمتين
بنحب بعضنا
وحلمنا بشمعتين
يادوب على قدنا
ويادوب بدا الطريق
والسكة بدت تضيق
وباب ورا منه باب
وميت لون العذاب
وسؤال ماله جواب
ولا كلمة تبل ريق
لا هو ولا انا
ولا كان بيدنا
يقف الطريق بنا
يتكسر حلمنا
ويضيع من يدنا
احلى ما في السنين
كان مين يهون عليه
يقتل روحه باديه
وبتسالونا ليه
روحو اسالوا الظروف
وبرضه ياناس حاولنا
والريح هدت قلوبنا
وكنا خلاص تعبنا
والحب اصبح سراب
كان يوم ورا يوم يفوت
اشواق فينا تموت
احلام فينا تموت
لحد ماغصب عنا
دابت كل الخيوط
وضاع كله ف دقايق
كدبت كل الحقايق
ومات فينا الامل
والحب ذاته انقتل
كان شيء من فوق طاقتنا
يقسم ضهر الجبل
لا هو ولا انا
ولا كان بيدنا
يقف الطريق بنا
يتكسر حلمنا
ويضيع من يدنا
احلى ما في السنين
كان مين يهون عليه
يقتل روحه باديه
وبتسالونا ليه
روحو اسالوا الظروف