مبروك افتتاح استراحه الاعضاء

[ابو شوشه]

السلام عليكم ورحمه الله وبركاته

إما بعد

أيها الاخوه الأعزاء الأفاضل الكرام

حبيت أبارك لكم وابارك لنفسي افتتاح استراحة الأعضاء

ونبي ساعة الصدر في القسم هذا ونبي كل من يجي ينطل شماغه ويخش بابتسامه

ويترك عنه الحساسية أخواني إلي حاب أوصله لكم مثل ما انتم عارفين رمضان جاي على الأبواب

اعاننا الله على صيامه وقيامه

يعني لازم نكون يد وحده في الاستراحة يعني ما نتكيسل عن الاستراحة وكل واحد وهو جاي

يجيب معه كم حافظه فيه سنبوسه ولقيمات وحلويات

طيب يا آخوني الاستراحة يبي لها قطه نبي منكم القطه عارفين يالله لقينا استراحة بس ترى ما فيها مسبح

<========== تراه ما يدري وش السالفة

والهدف من الاستراحة هو الضحكة الحلوة والابتسامة بين الأعضاء والمشرفين والترفيه

عن النفس هذا غير الاستفادة من بعض المواضيع


وبمناسبة هذا الافتتاح عملت لكم بطاقة أتمنى أن تنال على إعجابكم




بالله وش رايك في الشروخه الي فوق الشروخه وهي طراطيع

طلب اخير يا ليت تثبتونه عشان اشوفه مرتز

[ابوسلمان]

ماقصرت اخي العزيز ابوشوشه .. ومشكور على البطاقة الجميلة ونتمنى لك كل التوفيق

[abufuzan]

ونبي ساعة الصدر في القسم هذا ونبي كل من يجي ينطل شماغه ويخش بابتسامه ...

وين داخل حلاق<ــــــــــــــــــــ

ياخوفي على الشوشه من الحلاق الغشيم

لاوالله يا خوفي على الحلاق من التوقيع ابو نطحه

على طاري التثبيت ما جربت الجل مع الشوشه <ــــــــــــــــــ

[ابو شوشه]

ماقصرت اخي العزيز ابوشوشه .. ومشكور على البطاقة الجميلة ونتمنى لك كل التوفيق

لا شكر على واجب ابو سلمان هذا ما يسعدنا وما يفلج صدورناا

<========== تره ما يدري وش معنى يفلج بس سامعها وجايبها يرززها عندكم

الحمد الله انها نالت على اعجابكم

تحياتي العطره لك

[ابو شوشه]

ونبي ساعة الصدر في القسم هذا ونبي كل من يجي ينطل شماغه ويخش بابتسامه ...

وين داخل حلاق<ــــــــــــــــــــ

ياخوفي على الشوشه من الحلاق الغشيم

لاوالله يا خوفي على الحلاق من التوقيع ابو نطحه

على طاري التثبيت ما جربت الجل مع الشوشه <ــــــــــــــــــ

ابو فوزان وش رايك في موضوعي وهو مثبت ياخي تحس انه رزه

لا مجرب التثبيت كل صبح اكوي شماغي واحط مرزامين متضاهرات واكثر النشاء

واذا خلصت كاويه اجيب شوشتي وابخ عليها نشى الين تنتفش

ابو فوزان ترى موضوعي موضوع رسمي وانا اخوك لا تخليني انطلق واقعد اسولف


خل اذكر مره اني كتبت موضوع رسمي كله جد بجد ما فيه من الفكاه شي

تعرف بعض الناس ما تحب الابستامه ودايم صاكين القلابات ونفوسهم شين

بس بعد افتتاح الاستراااحه كل الاعضاء راح تستاسع صدورهم وتكون الابتسامه على جميع الاعضاء

وبعدين وين قطتك ابو فوزان ترى بكره الراتب يعني ما فيه مفر

تحياتي لك يا اخي العزيز ابو فوزان

[abufuzan]

كان الدعوى قطه خلني آخر واحد .. سبحان الله ما أدري ليش هاه بكره يمكن يصير عندي شغل ..

[ابو شوشه]

ابو فوزان وش شغله اقول نبي القطه

سبحان الله اذا جبنا طاري القطه تنحاشون ليش ما ادري

وبعدين مراعاة الاخوه الافاضل نسقت مع كم شركه تقسيط نبيهم يقسطون لنا الاثاث

وترني شاري تلفويزن 14 بوصه مكلفني تقريبا 1250 ريال

<====== حشى شاري مكيف ال جي

ايه بس ما تلاحظ ابو فوزان ما فيه احد مر على الموضوع وبعد مثبتينه الاخوان ما قصرون

وش الاسباب تبيهم مرتبطين

اتمنى من الله وثم الاخوان المشاركه في الاستراحه من جميع النواحي ولا يرمون بها عرض الحائط

والسلام ختام

[abufuzan]

أخوي ابو شوشه .. من زمان ودي أفاتحك بالموضوع وما أدري وشلون وجت الفرصه .. يعني كلمه تستحي منها بدها ..
يعني الصوره اللي بالتوقيع مميزه ومعبره وأشوف انها ما أخذت حقها من الكلام وبعدين ودي اذا ما كان فيه كلافه وعلى فرغتك تحط لها موضوع مستقل علشان الواحد ياخذ راحته .. وحبذا لو تظهر الصوره بعدة أشكال .. يعني كلك نظر
ومشكور على جهودك ..

[ابو شوشه]

ابوفوزان صديقي الصدق


ربا اخ لم يكن صديقك مره من المرااات

<=========== هذا تاثير الصيام

اخي وحبيبي ابشر بسعدك كتبت موضوع عني وعن قصه حياتي ورااح بعد اكتب موضوع وافصل فيه قصه الصوره

والهدف من كتاباتي بالفكاه مثل ما يعتبرونه الاخوه الزملاء بالفاكه والمشكله لا ارى احد الاخوه كلف على ننفسه

وسحب ضحكته لو بس قال ههههه بس تكفيني في الموضوع والا نقد الي قاعد اسويه

هل لي اني بثر او اننا ما اعرف اجيد كتابته القصه

اوووووووووووووووووووووه

تعبت وانا شاد عمري بالكتابه العربيه البحته على ما اعتقد

الزبده ليش ما احد معبرني والا جابر بخاطري والا قال خذ ريال ولا تتعدوهااا


مع السلامه تعبت واصابعي تطلقت من الجوع والكرف

ابو فوزان رااح اعلمك سالفه الفول