خبر عاجل ابوشوشه يقوم بزيارة مفاجاءه وسريه للمنتدى

[ابو شوشه]

في زيارة سريه ومفاجأة قام العضو البارز ابو شوشه صباح اليوم بزيارة لمنتدى البريد العربي

وقد أبدى حفظه الله إعجابه وسروره بما رآه من حسن التنظيم للمنتدى ومواضيعه وأعضاءه

هذا وقد كان في استقباله ثله من كبار المسؤلين في المنتدى ومجموعه من الأعضاء البارزين

وفيما يلي بيان بأسمائهم وتصريحاتهم حول هذه الزيارة الكريمة

علي اللامي. هذي الساعة المباركة طال عمرك وتو المنتدى مازاد نوره نور

أبوفوزان . كان شرف كبير لنا انك تعطينا بعض الاْهتمام رغم أن وقتك مزحوم وضيق

برق . أنا ما اصدق أنا في حلم ولا علم ابو شوشه عندنا

ضوى . لولولولولو ليييييييه الصلاة والسلام عليك ياحبيب الله محمد لولولولييييه ياهلا باللي لفانا وزارنا

الناقد البسيط . مو معقول كانت هذي آمنيه من أمنياتي السعيدة أن ابوشوشه يسوي لنا هالمفاجاء الحلوة

رحال . ياهلا والله الله حيه السنة عيدين وهذا الثالث ابو شوشه عندنا ماصدق عيوني

بريد الشفا . طيب وش يصير إذا ابو شوشه سوى زيارة مفاجاءه يعني نفرش له الأرض ورد ولا ايش ؟؟؟؟؟

وكان هناك أعضاء كثيرون لم يستطع أن يتعرف عليهم او يكلمهم نظراً لضيق وقته

وقد وعدهم بزيارة أخرى أطول والجلوس معهم لسماع مشاكلهم وحلها










هاه وشرايكم بزيارتي حلوه صح ؟؟؟؟؟؟؟

مع السلامة وأشوفكم بزيارة مفاجاءه ثانيه خخخخخخخ

لااحد عاد يأخذ على خاطره مني ترا الدعوة ضحك ومزح


]

[ضوى]

زيارة مفاجئة بس شفت كيف نحن محافظين على نظافة المنتدى وجماله الرائع


تصدق عاد اني ما عرفتك جاينا اقشر اغبر تقول جاينا على ناقة عبر الربع الخالي ....... لكن حياك وبياك والبريد ديرتك وملفاااااااااااااااك


بس طال عمرك احرجتنا انك تزورنا في نهار رمضان


اكيد عامل رجيم لذلك ما حبيت تمرنا بالليل وصواني الحلويات والمشمر والمحمر تنادي من بعيد يا ميييييييييييييييييين ياكل

[ابو شوشه]

ايه ضوى الله يعطيك الف عافيه نظيفين وبعد حاطين سراميك ومبخرين الكتابت بمعمول


شفتيني وانا راكب الحوت تبع سيارت الرئيس البريد لقيتها موقفه قلت خلني اتمش فيها شوي

ويفتكروني سارقها خفت عليها تخرب البطاريه قلت خلني اتمشي فيها عشان تتعبا البطاريه

ياهي سياره زينه ما شاء الله فيها مكيفه وفيها فتحه بالسقف عشان كذا حسبتوني هذاك

هههههههههههههههههههههه


<=== شكلك تبي تنشال بالونشششش

الله مير يعافيس يسلمس ويخليس لعين ترجيس

وس فيس


ايه احب ان تكون زياراتي طال عمرك خفافي ما ابي اثقل عليكم وازعجكم لا ان كان في فطائر

وبعدين انا ما احب المشمر احب المحمر لي ان المشمر يجيب لي حرقان في الحنجره

وبعدين ترى ما احب التصوير ترى الاعلامي اخذ لي كم صوره



انتبهو ترى فيه زياااره ثانيه

كل واحد يضبط عمره

ونشوفكم

[Ali-Lami]

وش عرفك إننا فارشين المنتدى سيراميك ؟

حنا ما سوينا إلا غرفة المشرفين ( على قد الحال )

وباقي المنتدى صبه اسمنت

وشوي شوي حسب الدعم المادي نكمل باقي الاقسام سيراميك وطبعا غرفة المشرفين نغيرها لبورسلان لأن فيها مكتبي تمهيدا للرخام

أما ساحة المشاركات الخاصة نخليها صــبه اسمنت لانك ومثلك عارف كل مواضيعها ما تنقال




هذا من باب الدعابة فقط

حبيت أتواصل معك أخي (أبو شوشة) واشكرك على هذه المواضيع اللطيفة

ولك وافر الاحترام

[ابو شوشه]

اخي الكريم علي اللامي

اسعدت مساء


وش رايك في زيارتي عساه اعجبتك ايه خفافي وانا اخوك اجي واروح ما احد درى عني

وش اسوي انتم شفتو السياره وطقتكم النفاظه وبعدين من وقفت السياره وانتم لاقطيني

وخاصه الاخت ضوى الله يعطيها العافيه كتمتني بالمعمول الي هي حاطته رااازه المبخره في خشمي

والا الثاني ابو فوزان غثني بعصير المنقى وهو عارف ان المنقى تاثر فيني وبعدين جايهم الصباح يعني صايمين

الله يهديه بس من فرحته وانه مو مصدق اني زرتهم ما يدري وش يسوي قام وعطاني عصير

بس ياهو طعم المنقى يؤؤؤؤؤؤؤؤؤؤؤؤؤؤ نسيت اني صايم

الاستاذ علي ما ادري مكتبك حاطها بوسران وش اسمه ايه هذا لبورسلان

سمعت انك تبي تجدد الارضيه وتبي تحطها رخاام

طلبت قل جاك اذا بغيت تقض ارضيه المكتب نادني اجي اقشع السرميك عشان احطها في استراحه الاعضاء

ذبحنى الاسمنت كل يوم اروح للبيت ادهن عمري بفازلين جاني مشق وشطوب من كثر المشي على الاسمنت

الله يسلمك اخوي علي وعلى المداعبه

ايه خلاص اوعدك اذا جيتكم زياره ابلغكم عشان تحسبون حسابكم وما تخلونها نواشف



الله يسلمك على تواصلك وهذا ما يزيدني شرفا وعزه

ان اجد مثلك وشرواك ..... قل شرواك الطيب

لا شكرا على واجب نحن نسع الي التقدم في الموقع مثل غيرنا ما يسعى التقدم والتطور في حوش بيتهم

تحياتي لك اخي العزيز علي على مرورك

ولك جزيل الشكر والاحترام

[أسـيـر الـشـوق]

اخى ابو شوشة 0

بصراحة انتة تخوف 0وخاف ان الدور خاى على 000000000000

انتة يابوشوشة كمل العبارة 0

مع اطيب تحياتى 0

اسير الشوق0

[ابو شوشه]

اسير الشوق وش عبارته الله يهديك

تعرفني معي سادس ابتدائي قسم تدبير منزلي

ما اعرف افك الرموز يا اليت توضح لي في زيارتي لكم

هههههههههههههههههههه

اشكرك اخي على زيارتك والتوقيع في دفتر الزيارات

احترامي لك اسير الشوق

[يحي الحذيفي]

اخى العزيز والله انك امتعتنا ونقلت لنا الاخبار ويعطيك الله الصحه والعافيه كى تكمل زياراتك المرتقبه للجميع نامل ان تجد ما يسرك فى اى زياره اخرى والحقيقه مشاركه الكل دخل وشاف ما نقلته لنا بارك الله فيك ولك دوام تقديرنا نحن الباقين وننتظر ان لاتبخل علينا بالزياره لو بعد رمضان وبشر بما يسرك ولك تحياتى

[ابو شوشه]

حبيب قلبي يحي الحذيفي

الله يسلمك على الديباجه العريضه التى سعده بقراءتها

سوف انسق مع الاعلامي ابو جبها لكي اكمل باقي زياراتي لجميع الاقسام وخاص قسم العظام

<========= يا شينه اذا قام يتفلسف

ترى ما عندي مانع اجي يوم العيد

ما ادري في مكان مخصص للعائلات

اشكرك اخي يحي الحذيفي على مرورك الذي افلج صدري تقول رمانه منفقشه

هههههههه

وشكرا

[المجمد]

ابوشوشه الله يسلمك هل في زيارتك للمنتدى زرت موقع المشاركات
الخاصه اومواضيعنا المنقوله لا نه حتى هذا اليوم لا نعلم اين مصيرها

[ابو شوشه]

المجمد سجلت ملاحظتك عندي في نوته الملاحظات

<========= اخس عنده نوته

سوف اتوجه الي القسم الذي قلته بس هل القسم مسموح التدخين فيه

سوف ابحث عنها يمكن ان الونش سحبها لعدم وقوفك في المكان المخصص لك

عزيز المجمد هل انت من سكان الاسكيمو

نحنو في الاستراحه جتمع كل بعد صلاه الظهر نلعب طائره والشمس قيد رمح

يا ليت واذا حبيت تجي ما عندنا مانع والقطه بي 50 ريال

<========== طلع عن النص المكتوب له

ههههههههههههههههههههه

تسلم المجمد على مرورك

[رحال]

هلا بك والفين هلا

بالضيف والعزيز ابو شوشه..يزيد نور المنتدى بتواجدك...شايف كيف المدح...صااار معك واااسطه..هههه

اتمنى الزياره تتكرر اكثر واكثر...

وعلى فكره ما قلت لنا عن قصتك يوم هدت الطياره العماره في ذيك الدوله وين كنت..الاخ سياسي..هههههه

ويوم جاااتك المكافئه وش سويت..

عموماً صفحاااتك تريح النفس...

اوووه نسيت يوم سيرت على المنتدى ما احد قهواك..وعلى فكره تراني صورتك مع خويك اللي جاي معك..وبنحطها في لوحة الزيارات..بس نبي كلمتك وتوقيعك...ههههه



وهلا بك في مكانك..

رحـــــــــااال..

[ابو شوشه]

اشكرك اخي رحال على مرورك وعلى جدع صورتي انا وخويي

اقول رحال ترى فيه قصه يوم نختطف الطياره وانت معنى

خله كم يوم وراح انزل اختطاف الطياره لا تستعجل


ههههههههههههههههههههههههههههه
تسلم حبيب قلبي على الصور بالله وش رايك مو انا وسيم

ياخي كم مره قلتلك اذا بغيت تصورني خلني اصك خشتي طلعت سنوني الله يهديني

بسم الله علي بس من العين

[أسـيـر الـشـوق]

تحياتى اخوى بوشوشة

اكمل العبارة بعنى ان الدور جاى علينا ونتة عارف بتفضحنا قوى قوى بس اللة يخليك يابوشوشة اصبرعلينا شوى لين مانتعدل ونتتجخجخ شوى وهات فضايح 0

اخى بوشوشة ارددها انتة تخوف ==وايدوايد وايد ===


اللة يعين الى جاى الدور علية 0

وعاش الهوى عاش 0

مع اطيب تحياتى 0
اسير الشوق0

[ابو شوشه]

اخي اسير الشوق

بالعكس ترني طيب وعلى نيااااااااتي مره

حتى اني بعد اباري الساس

تعرف وش معنى اباري الساسي لا تقو ل لا ما عرف بعدين تحرجني

هههههههههههههههههههههه

ايه لا تخاف ما رااح اسوي شي ولا رايح اكتب موضوع الا كل علم طيب

حتى في راسي كم عضو راح اكتب فيهم قصق حلوه

بس اتمنى ان ما احد يزعل من ابو شوشه الي انه طيب وغلبااان