ابو شوشه و يوحنا عويس الثاني
السلام عليكم
هذي إحدى فقشاتي ( يعني كذباتي )
ومات صديقي بابا يوحنا عويس الثاني
المهم ومثل العاده اذا مات واحد مشهور يطلع سبع طعش الف واحد يقولون
قصصهم معه يقولون يله وش ورانا الرجال ومات من بيكذبنا
في احد جولاتي في اوربا الشقيقه
وتحديدآ في ايطاليا اهل البيتزا وخبز التميز << انت متأكد انك رايح ايطاليا مهوب لأفغانستان
المهم كنت هناك اتمشى مثل العاده ماعندي من الشيطان طاري
ورحت للشاطي وقلت اديها سباحه
الا والعسكري الاْيطالي يصفر ويقولي ممنوع هذاعوايل صديق
قلت وش يبي ذا هو ووجه الحين لااكون في الهاف مون وانا ماادري وانرفز واعيي اطلع
الا شوي ويجيني اثنين ياكبرهم واخاف قلت بلاها كلها من زينكم انتم وشاطيكم
المهم طلعت من الشاطي بعد مالزخوني وسطروني الطيبين اللي نادوهم
طلعت اتمشى على السياره حتى الدركسون يمين ماهو يسار مثلنا
كل شوي اترك الدركسون انسى على بالي اني الراكب خخخخخخخخخخ
فجأه الاالجوال يدق قلت خير انشاله مين يبي يدق علي ها الحزه
وارد الا هذي جارتنا ام ابراهيم ...( والله من الغثا فيها هي وعيالها )
قلت خير يا ام ابراهيم و شتبين قالت ياوليدي شلونك
قلت طيب بخير دامني بعيد عن خشت ولدك ابو ضروس ابراهيم
قالت ياوليدي كلمنا امك قالت لنا انك رايحن عمره لمكة الله يشرفها
افاااااااو شتبي هذي << كاذب على اهله قايلهم باخذ عمره
قلت ايه ايه انا بمكة الحين تبين ماء زمزم
قالت لا ياوليدي بنتي حصه فيها نفس مصكوكه عين من جارتنا ام ناصر النضول
قلت طيب انا وش دخلني
قالت نبيك تدور لنا مطوع يقرا عليها با التلفون يمكن الله يشافيها وتعرس
ادري انها تلمح لي تبيني اتزوجها بس معصي
قلت مو مشكله انا ادور لك شيخ على كيف كيفك
وش ذا النكبه من وين اطلع مطووع با ايطااليا قلت لنفسي
ياولد اسأل الي يسأل مايتووه
رحت لراعي بقاله قلت له ماتخبر لنا مطوع يقرا الله يجزاك خير افزعلي
اشوا طلع رجال من بدو ايطاليا حتى حلف علي الا اكل البيتزا عنده الليله
عازمن الربع عنده قلت لا تسلم عارفين الي عندك يا دلبييرو مابيننا حقوق
بس دلني على المطوع المهم وصفلي مكان قالي رح هناك اسئل عن البابا يوحنا
يوم رحت له انا با البدايه حسبته مسجد طلع كنيسه
المهم قلت يله مو مشكله نسكت ها العجوز لاتفضحنا دخلت وانا القى واحد قلت
له ماشفت البابا يوحنا يبو قال شفه هناك فووق رحت امشي يمين ويسار كراسي
كني بمسرح الجامعه وصلت لاخر شي لقيت واحد ماله رقبه ياربي لك الحمد
وظهره معووج ومايل على جنب كنه ضارب معه كفر على طريق القصيم خخخ
قلت له عمت صباحآ يبو قالي عمت صباحآ خير وش عندك << نفسه شينه بعد
قلت له انت بابا يوحنا قالي نعم ماذا تريد قلت ياخي انا دايم اشوفك با الاخبار
يازين سيارتك هذيك الي كلها درايش قالي نعم فليبارك الرب تلك السياره
قلت با الله قل فليبارك الرب الكابرس حقي يمكن يهديه الله ويبطل خرابات
قالي مابالك ياغلام احد قالك اني فاتح صناعيه هوونا
قلت طيب لاتنافخ لا اصكك بوقس اعدل حولتك ..
قالي خلصنا ماذا تريد قلت حصيصه بنت جارتنا ام ابراهيم ما اعرست
قال وانا مادخلي بهذا الامر قلت له والله مدري بس ابيك تقرا عليها
يمكنها تعرس قال واين هي قلت با السعودية
قالي نعم نعم السعودية اناسوون طيبون قلت غصبن عليك
قال طيب خلها تدق علي لان جوالي مافيه رصيد
وبهد جواله مافيه رصيد والله من المغازل اخر الليل
طيب طيب وانا ادق من جوالي على ام ابراهيم قلت وين بنتك الله ياخذك أنتي وياها
المهم نادتها وكلمت هلا حبيبي ابو شوشه
قلت حبتك القراده خوذي كلمي الشيخ عطيته الجوال ويجلس يقرا عليها
مدري يقرا ولا يقصد .. قالي فليبارك الرب هذا الجوال بكم أخذته
قلت أقول كلم البنت بس ماني فاضي لك ورانا فواتير
المهم البنت طاحت عليهم عجزت تتحمل صوت الرجال
ياشين العنوسه خخخخخخخخخخخخخ
قلت وش سويت با البنت الله ياخذك انت وطاقيتك اللي كنها غضارة لبن
قال لجماعته القوو هذا المعتوه في الخارج ..
شاتوني برا وبعدها دعيت عليه ربي يعفط رقبته ثانيه وثالثه بعد هو ووجهه
والحمد الله ربي استجاب دعوتي ووانعفطت رقبته الين مات
سورري على الاطاله بس وش نسوي الفراغ شين على قوله احد الأعضاء
بست ويسز
ابو شوشه
حقو ق التاليف محفوظه من زمااان
رد مع اقتباس
