تعيينات جديدة في بريد منطقة الرياض

[منطقة الرياض]

تم نقل العقيل مدير عام شؤون الموظفين بالمؤسسة الى بريد منطقة الرياض
تم نقل ابو نايف المعثم من البريد الرسمي الى بريد منطقة الرياض
تم تعيين الحناكي مدير ادارة خدمات العملاء
تم تعيين العجلان مدير تنسيق العمليات البريدية
وسوف نوافيكم بآخر الاخبار غدا

[U-P-U]

الله يعطيك العافية يا أخي ومنتظرين متابعتكم بعناية

[خالد ابراهيم]

شكرا لك منطقة الرياض على جديدك ومعك ننتظر المزيد من الاخبار البريدية ,,,

[rasmi]

في الحركة بركة نتمنى التوفيق للجميع باعمالهم الجديده ..


مسألة التخبط يعني من اللي يقرر ان هذا النقل او ذلك الاجراء يعتبر تخبط .. يا ليت بعد ما نوضح النتيجة تخبط مثلا نوضح الاسباب ورؤيتنا للاجراء وما هو السبيل الامثل للتغيير ..


ام ان نقرر تخبط ونمشي مشكله ..


دمت بخير

[اديب]

يخبطون بايديهم ورجليهم بس يرسموننا واحنا نقول بسلامتها ام حسن

[وادي السليكون]

اصبحت ادارة المنطقه مثل سجن ابو غريب اي شخص تغضب عليه المؤسسه ترسله الى سجن ابو غريب و لا اعلم كيف سوف يتصرف مدير السجن مع مدراء عامين سابقين كان من قبل فتره وجيزه يخاطبهم على انهم مسؤلين .وانا بصراحه لا الومهم لان السجن كان عنصر اساسي لديهم سابقا فلما جاؤ الى مؤسسه مدنيه و ليس بالطبع فيها سجن حولوا ادارة المنطقه الى سجن ..يالله يا ابوي الدنيا فانيه و الموت قادم ترقينا و الا ما ترقينا في السجن و الا خارج السجن ...

[وادي السليكون]

يخبطون بايديهم ورجليهم بس يرسموننا واحنا نقول بسلامتها ام حسن

والله لا هم مرسيمنك و لاهم مرقينا و لا دروا عنكم .هم الان يديرون ميزانية مؤسسة البريد و وكلوا مدراء المناطق على ادارة البريد العتيق الى ان تنتهي مهمة التطوير ....

[النشاي]

شكرررررجدا

[العربية]

شكرا على ماتقوم به من جهود
جبارة

[قال بريد قال]

الثلاثة الأوليين شياب منتهين أما الرابع فهو داهية هو ونظاراته , عز الله عرف ابو سعد يختار

[كوفي المساء]

أخي سليمان العجلان
تهنئة متأخرة لك في تعيينك مدير إدارة تنسيق العمليات والله ثم والله فرحت لك كثير ومن القلب وجاني الخبر من بعض الزملاء يوم الخميس تعرف موظفين المساء منقطعين عن العالم وقمت وسجلت في المنتدى والله على شانك وكذلك مبروك جيب 2009 والله لو أني محل أبو سعد لأعطيك 2010
يالله عاد الحين طبق افكارك البناءة في البريد اللي كنت تقولها لنا ايام معهد البريد
وسمعت أنك قشعت الجساس والصالح والله أزين ماسويت أبعد عنك كل حاسد وشري وأنفرد في الساحة
ياحبي لك ياشيخ أنت وخشمك الطويل ههههههه
أنا مابغى احيرك انا صديق قديم جدا من نفس دفعتك ولكن الفصل الثاني ولاانسى جميل سويته معي علشان كذا حبيت أهنيك هذا اقل شي اسوية ولو انها متأخره

نصيحة لوجه الله بتلاقي في طريقك حساد كثير وبتدخل معارك وتراك الحين دخلت المربع الذهبي ولكن استعن بالله وبالقرآن ودعا الوالدة واتبع مثل القافله تسير والكلاب تنبح
وان عرفتني اكتم على الموضوع