البريد السعودي يطلق خدمة«واصل عالمي»بأسعار شحن مغرية

[الجراده]

في حاله تطبيق هذه الخدمه سوف يكون البريد قدم خدمه اتظرناها طويلا وسف يكون لها مردود مادي طيب على البريد السعودي وتزيد من الاقبال على الاشتراك على خدمة واصل
ملاحظه كنت اتمنا من بعض الزملا تقديم افكار يستفيد منها البريد بدل من محاربة كل عمل يكون نجاحه نجاح لمؤسسة البريد السعودي ونجاح البريد السعودي سوف يكون له مرددود اجابي على جميع الموظفين مستقبلاً

الله يحفظك من كل سوء

الخدمة من سنتين فعالة والناس تصيح بالاشهر لم تصل مشترياتهم من الخارج

غير الاسعار اللي تحسب بالطول والعرض والارتفاع ( كنك في حصة رياضيات )

كن مافيه شي اسمـه وزن

وانت تووووووووووووك تقول في حال تطبيق

شكلك نايم في العسل

وإليكم أحد مأسـي خدمة فاصل العالمي ((( منقووول ))) :

السلام عليكم ورحمة الله وبركاته

أضع هذا الموضوع وأسرد فيه قصتي في تجربتي الأولى بالتعامل مع واصل عالمي

كنت في السابق اتعامل بالشحن مع أرامكس وأموري ماشيه تمام التمام.

وبناء على الدعايه والإعلان عن واصل وواصل عالمي والبريد في دول امريكا واوروبا واستراليا والصين والهاله اللي سواها هالأمر

قلت خلني أجرب وأشترك وأخدم بلدي وبريدنا المحبوب

المهم اشتريت السلعه من أمريكا من موقع ebay.com

البائع وصلها لبريد واصل عالمي خلال فترة وجيزه لا تزيد عن ثلاثة أيام من ولاية إلى ولاية ... طبعا لما البائع سلمها لليو اس بي اس الامريكي خلال أقل من 24 ساعه وصلت السلعه في بريد واصل عالمي الأمريكي

المهم ... ان البائع عطاني رقم تتبع وتابعت السلعه وشفتها وصلت وتم استلامها

قلت خلني اتصل على البريد السعودي واشوف ايش هي بقية الخطوات ....

قال لي الموظف اذا استلمناها انتظر 4 ايام لين يتم اصدار فاتورة الشحن ...

مر اسبوع ولم يتم اصدار فاتورة شحن

مر اسبوع ثاني ولم يتم اصدار فاتورة الشحن بعد

اتصلت فيهم ورفعت شكوى يوم الجمعة الماضي وعطوني رقم الشكوى وقالوا بنرد عليك خلال كم يوم قادمه

اليوم صار الثلاثاء واكتملت الثلاث اسابيع من وصول الشحنه عند واصل عالمي بأمريكا وإلى الآن لم يتم اصدور فاتورة للشحن ولم يتم الرد على شكوتي

دخلت الفيس بوك وكتبت لهم قصتي

ارسلت رسالة للمجموعة في امريكا

ارسلت لموظف ماعرف اسمه قالوا هذا شخص متعاون وحريص ولا جاني منه رد

ارسلت شكاوى في بريدي اون لاين لخدمة العملاء

اليوم الفجر اتصلت عليهم وطلبت منهم يحولوني على المشرف

قالوا بياناتك عندنا والصباح راح يتصل عليك المشرف .

انتهى الصباح وجا العصر اتصلت عليهم مره ثانيه

قلت وش قصتكم وش هالتأخير وين موظفينكم لا يصدرون لا فاتورة ولا رد على شكوى وكأننا ننفخ في جربة مشقوقه

المهم طلبت يحولوني على المشرف قالوا بنتصل عليك

قلت ايه كثروا منها

الصبح قالوا بيتصل والحين بيتصل وين اشتكيكم انت وياه ومشرفكم فوقكم

ههههههههههههههه

والله العظيم ما توقعت اوصل كل هالمواصيل مع خدمة فاصل عالمي على قولة واحد من الربع كنت اعارضه على هالمقولة والحين ابصم له عليها بالعشرة

قلت لهم راح اشتكيكم في وزارة التجارة قسم مكافحة الغش التجاري

وهذا اللي بيصير يوم السبت القادم بإذن الله إن لم يصدر أي اجراء يحفظ ماء وجوههم إن بقي منه شيء


الموضوع للتنبيه وأخذ الحيطة من هالخدمة

واللي يبي يشترك ويجرب لا يشتري شي ثمين ,,, اشتر من سوق ابو ريالين بأمريكا وخلهم يشحنونه وشوف وش بيصير

والشكوه لله