اقتباس المشاركة الأصلية كتبت بواسطة الشفلحي مشاهدة المشاركة
اخوي ماهو الاولى اداره البريد تحال لمكافحه الفساد لانها تلعب بنظام الدوله وتحويل مكافاه ولائحه الى مسمى اخر واغلب الزملاء رفع لهم نظاما لكن سكوت ومافي توضيح او احترام الموظفين مافي اداره علاقات عامه او عنايه بموظفين ترد وتقول سيتم التحقق واشعاركم والظلم ماوقع على اخونا برق على 70% من موظفي المؤسسه يعني اللي اخذوا 3 رواتب كلهم في ادارات وحنا بالميدان وهواش ووباء وجائحه ويرموك على مكافاه اداء ويقولون يوزرك يعني سنه كامله كنا نلعب فيها ما احد يرضى بالظلم والظيم
حبيبي الغالي اتفهم زعلك من موضوع التقييم و هذا حقك و التظلم ايضاً من حقك بس ودي اوضح نقطة لك وباقي الزملاء ،، عشان تكون فاهم اللي يدور حولك و اذا تظلمت عند سلطات عليا داخلياً او خارجياً او جهات قضائية تكون شخص صاحب حجة ،،، اولاً ياحبيبي الغالي البريد مالعب و استحدث انظمة و حرم احد من المكافأة فكوكم من الوهم هذا ... في فبراير 2019 نزلت لائحة اطار العمل التنظيمي من وزارة الخدمة المدنية قبل تحويل مسماها الى وزارة الموارد البشرية .... اللائحة تعدلت بالكامل و تنص على كل اللي قاعد تشوفه انت اللحين من ربط المكافأة بتقييم الاداء بل حتى آلية التظلم اللي ماشي فيها البريد تراها ماهي ابتكار من البريد ... مجرد تطبيق لائحة و من فوق خشومهم يحق لك تتظلم .... يعني انا وانت وباقي الزملاء مشكلتنا درجة التقييم فقط و هذا اعتراضك عليه ،، لو كل شخص يرى انه مظلوم كان موضوعي في اعتراضه وتظلمه حول الدرجة المستحقة هنا راح يكون صدى الموضوع اكبر ويوضح ان فيه تلاعب بتطبيق اللائحة ،،، اما تروح و تعترض وتشتكي ديوان ومظالم ومحاكم و محتوى شكواك على اللائحة نفسها ما اعجبتك كذا ما استفدنا وتشتيت لصلب المشكلة ،، اللائحة مصادق عليها من رئيس مجلس الوزراء (المقام السامي) ،، يعني شكاويكم على النظام او اللائحة حقت التقييم هذا ماراح تقدم ولا تأخر بالعربي