خاص ببريد الأحساء المركزي ...

[وادي السليكون]

أخيراً ياوادي السيلكون صدقت أن فيه ترقيات حقيقية .
إذاً أبشر نفسي وزملائي أصحاب المراتب (42) وما دونها بالترقيات قريباً , لآن الموضوع صار فيه جدية .
ومبروك لجميع الزملاء المترقين والذين سوف يترقون قريباً , وأنشاء الله أكون معهم .
أحبك ياوادي السيلكون من كل قلبي ولو أني ما أعرفك شخصياً , ولكن كتاباتك وردودك أجبرتني على حبك وحب الصدق الذي في قلبك الصادق .

والله يا ابو متعب و يا alsami انا ماني مصدق الا قبل يومين اتصل علي احد اقربائي وقال لي انت عنيد على غير سنع و قاعد تبربر في المنتدى وانت ما عتدك سالفه ....

قلت له ليه

قال انا ترقيت من المرتبه كذا الدرجه كذ الى المرتبه كذا الدرجه كذا وزاد راتبي 600 ريال و انت تتخبط في المنتدى وتقول ما فيه ترقيات .. اعقل يا ابن الحلال المؤسسه صادقه في الترقيات ..

قلت له ..وانا صادق ما فيه ترقيات ...

قال لي ,, بصراحه يا ابو رياض انك مجنون و الا تستهبل و انا يصراحه ما عاد اصدق كلامك ...


قلت له..طيب خلنا نتفاهم ...

قال نتفاهم على ايه ..

قلت نتفاهم على ان فيه ترقيات صحيحه والا ما فيه ,,

قال ..لالالالا صدق انك مجنون اقولك انا ترقيت وتقول نتفاهم ,,,,,


قلت تبغى الصراحه ..

قال ايه

قلت انت ما ترقيت ,,,

قال كيف ما ترقيت ...

قلت هل استلمت قرارا رسمي من البريد بالترقيه من المرتبه كذا الدرجه كذا الى المرتبه كذا الدرجه كذا ..

قال لا... جاء قرار لكل الموظفين ...

قلت اجل ابشرك انك ما ترقيت ....

قال الله لا يبشرك بالخير ...

قلت اسمع وانا اخوك الترقيات لها نظام اما ان تكون على الديوان و اما ان تكون على نظام العمل وهذه الترقيات نصفها من نظام العمل والاخر من نظام ا الخدمه المدنيه فهي ليست نظاميه فلا تفرح بها لانها مجرد امر من سلطه علياء بالمؤسسه اذا كانت صحيحه و انا اتوقع انها صحيحه و 600 ريال اللي اضافوها على راتبك يمكن انها بدل انتداب و العلاوه و المؤسسه ما عندها مانع تدفع هذا المبلغ وتقول ان فيه عندنا ترقيات من اجل الدعايه والاعلان وانت تعرف مؤسستنا يموتون في شيء اسمه دعايه ....اما ان تقول لي انها ترقيه من الديوان فانا اقول لك هذا غير صحيح لان الديوان ما يرقي من 49 ثم 48 ثم 47 ثم 46 ثم 45 ثم 44 ثو 43 ثم 42 هذه ترقيات واحد ما يعرف اسم الاداره او معنى الوظيفه المدنيه او انه عسكري ويرقي بالتسلسل العسكري ,,

اما اذا قلت انها على نظام العمل او لائحة التامينات الاجتماعيه فالائحه واضحه جدا و الترقيه والتسكين على هذا النظام اصلا يكون حسب المؤهلات و عدد سنوات الخدمه و الا فانك لست في مؤسسه مستقله بل لا تزال على نظام الديوان ....

فهمت كلامي يعني ترقيات يشد بها الظهر ما فيه.... اقصد نظاميه اما اذا كانت مثل خدمة واصل والتسليم بختم الكتروني فهذا ممكن .....

بالغالي اذا مراتب المؤسسه من 37 الى 50 و عندنا بند اجور يمكن ثلاث مراتب و مستخدمين ثلاث مراتب و كل سنه يرقون 100 موظف من مرتبه وحده متى يرحعون ويرقون اللي ما ترقى.... ليه حنا ماسكين سرى عند مخبز تميس ...اقول ..الله يصلح الشان ....