حيا الله السندباد من بغدادالمشاركة الأصلية كتبت بواسطة سندباد
انت مجتهد جزاك الله خير والمجتهد يستحق الشكر
والحقيقة اللي انت ما تعرفها ان اصحاب المصادر اللي انت تقول تجيب منهم المعلومات هم ما يدرون عن شي أو انهم كذابين وهذا اكيد لان زمن الصدق والمصداقية انتهى
في السابق على ايام العضو فاعل خير جزاه الله خير وبعض الاعضاء الكبار يتواصلون مع مسئولين بمعنى الكلمة اذا قال فهو عنده علم يفيدك ومعلومات صح
اما الان طالع حولك شوف الطاقم الجديد والرئيس يقول انا استلمت البريد خربان علشان محد يلومه لو ما قدر يسوي شي
والمستشارين كل يوم يتعين واحد براتب 90 الف وبعدها يتضح ما عنده سالفه ويشيلونه بعد شهرين او ثلاثة
بدل ما يروح الراجحي يطلع قرض ب200 الف يجي البريد يهايط وياخذ له 200 الف غير مسترده ويروح
يا رجل والله يا القرارات والافكار اللي يطرحونها ما وراها الا الخساير
شوف الهدايا اللي وزعوها في اليوم الوطني
كلفت الحلاوة 9 ملايين ريال
وهي كرتونه شكبرها وفيها قطعت شكلاته
العميل يفتحها يحسب فيها شي مفيد تطلع له شكلاته
واغلب العملاء قفلوا الكرتون وردوه للكاونترات
يا رجل والله لو تبي تدقق على كل شي غير تتعب
وعلى قولة اخوي الفاضل الجريء مكاوي1 هذول مجموعة ما عندهم الا سرقة الجهود والافكار وتقديمها للمسئولين
ولو كان فيهم خير ما استغنت عنهم وظايفهم السابقة
خلنا ساكتين افضل
